Gusaling walang Mata Ni Kalayaan

sunset_bukalnakatitig ang gusaling walang mata

nakakabingi ang yabag ng pag-aalsa
sing-tamis na halik ng mapait na sumpa
pirasong papel; resume at biodata
sulyap na nais ng manhid na tadhana
sambitin ng uwak ang swerteng dala

Mapili ng tagapag tala
tanging lakas paggawa
ang almusal sa umaga
Aabangan at di magsasawa
igawad na sana ang kontrata
mapawi ang hapdi ng sikmura
pirasong papel hudyat ng simula

alipinin ng dagta ng pakontrata
sahurang diwa sa 8 oras paggawa
over time mo pampasigla
Katas ng pawis ka ibig ibig
sa nagtatangkang mangalipusta
sa litid ng ugat karukhaan ko’y
sa iilan ay pampasaya
at sa amin lubos na dusa

tuloy kayo sa aking balay
dingding ko sayo ay alay
nakausling diwa maralitang buhay
Pira pirasong tarpaulin at tabla
Patong patong na gulong
hinahawi ng panganib
ng mga demolisyon
dugoang pintuan naluray
tokhang sa gabi ay banta

Habang silang nakinabang lubos
sa dugo at pawis ng lakas paggawa
nasa palasyo ng matutulis na pader
gintong pilak ang hapagkainan
palaruan sing lawak ng karagatan
ito ay buhay na sayo’y kawalan
sumpang dambuhalang ganid
itinuro ang iyong karukhaan

sa tahimik na himlay ng sigwa
sa huling gabi ng paglalamay
damayan mo wagas ang pag-iisa
ng Inang Bayang nagluluksa

-end-

(photo credit to CICM Bukal Ng Tipan)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s